چانګشا، چين، اوکتوبر 9، 2023 /PRNewswire/ — د نړۍ د درندو ماشینونو مخکښ تولیدوونکي SANY ګروپ (SANY) په دې وروستیو کې د مرکزي آسیا او Kazcomak د کانونو او فلزاتو نندارتون جوړ کړی و چې د سپتمبر له 20 څخه تر 22 پورې د قزاقستان په الماتا کې ترسره شو. په مرکزي آسیا کې د کان کيندلو د ماشينرۍ اړوند د تر ټولو مهم نندارتون په توګه، د یاد صنعت تر 10 ډېرې لویې کمپنۍ له شاوخوا 40 زره مراجعینو سره راټول شوي وو او ویې لیدل چې SANY د 21.4 ملیونه چينايي ین د سفارشاتو ګټونکی شو.
په دغه نندارتون کې د SANY د وروستي بیرغ لرونکي تجهیزاتو شپږو واحدونو د خلکو ډېره توجه ځان ته جلب کړه او وستایل شول چې په دې کې STC300V د لارۍ کرېن، 115S د کان کيندلو لارۍ، او اېکس کواټور شاملېږيی. SANY په زړه پورې نڅا، سندرو ویلو، او متقابلو اجراآتو او لوبو سره له هیجان څخه ډکه فضا رامنځ ته کړې وه چې دې ټولو د مراجعینو په منځ کې انګازه خوره کړې وه.
د چین د یو کمربند او یوې لارې نوښت (BRI) ته د ځواب ویلو لپاره د انجینرۍ ماشینونو د لومړنۍ تصدۍ په توګه، SANY په 2014 کې په مرکزي آسیا کې خپل سوداګریزه څانګه تاسیس کړه ، چې د لوړ کیفیت محصولاتو په وړاندې کولو سره د سیمې د زیربناوو د جوړولو لپاره اسانتیاوې چمتو کوي.
په 2018 کي، ENTER چي په ازبکستان کې د انجينرۍ، تدرکاتو، او ساختماني (EPC) برخه کې یوه تر ټولو لویو کمپنیو څخه ده، له SANY سره د همکارۍ اړيکې رامنځ ته کړې. د هوکړه لیک په لاسلیک کولو سره، یادې کمپنۍ 44 عرادې د SANY کرېنونه یا جرثقیلونه معرفي کړل، او تر دې دمه یې د SANY له 1700 واحدو څخه ډیر تجهیزات چې د شرکت ملکیت دی په سیمه کې په بیلابیلو پروژو کې ښکیل دي، لکه په منځنۍ اسیا کې د اټومي بریښنا د لومړني یسټیشن او په ازبکستان کې په مایع باندې د ګازو د اړولو د فابريکې جوړول چې د یاد هېواد ټولنیزه اقتصادي وده یې ځواکمنه کړې ده.
سربېره پر دې، د ټیټ کاربن د پراختیا لپاره نړیوال تمایل ته په پام سره، SANY کمپنۍ هم په سيمه کې د نوې انرژۍ په پروژو کې فعاله ده. د روان کال په جولای کې، د SANY د بادي برېښنا 10 واحده توربینونه د قزاقستان د الکارک د بادي بریښنا پروژې ته وسپارل شول. د آګسټ میاشتې د 12مې نېټې په پیلېدو سره، د SANY کرینونو د پورته کولو چارې یوازې په 52 ورځو کې پای ته ورسولې چې دا کار د پېرودونکو د ډېرې حیرانتیا لامل شو. کله چې دغه پروژه ګټې اخيستنې ته وسپارل شي، په کال کې به د سيمې اوسېدونکو ته په ساعت کې 170 ملیونه کیلو واټه پاکه انرژي چمتو کړي، د کاربن ډای اوکسایډ د نشر کچه به تر 176,000 ټنو پورې راټيټه کړي، او د قزاقستان د پاکې انرژۍ د لېږد او او د کاربن د بېطرفۍ په د اهدافو په برخه کې به مرسته وکړي.
SANY د دغو کلونو په جریان کې د لوړ کیفیت محصولاتو په وړاندې کولو او له پلور وروسته د غوره خدمتونو په وړاندې کولو سره په مارکېټ کې ژورې ريښې کړې دي. تر دې دمه، د SANY د ويل لرونکو کرېنونو د مارکېټ سهم په قزاقستان کې تر 61% پورې وده کړې او په راتلونکو کلونو کې به نوره وده هم وکړي. د SANY د مرکزي آسیا د څانګې عمومي مدير، ښاغلي یانګ لي څرګنده کړې چې SANY به له محلي پېرودونکو سره یو ځای کار وکړي ترڅو د سيمې پراختیا او ودې ته دوام ورکړي.
د SANY ګروپ په هکله د ډېرو معلوماتو لپاره، مهرباني وکړئ www.sanyglobal.com ته مراجعه وکړئ یا پر فېسبوک یا یوټیوب باندې موږ تعقیب کړئ.
تصویر – https://mma.prnewswire.com/media/2241638/Mining_Metals_Central_Asia___Kazcomak.jpg
تصویر – https://mma.prnewswire.com/media/2241640/WechatIMG20.jpg
تصویر – https://mma.prnewswire.com/media/2241639/Kazakhstan_s_Alkarek_wind_power_project.jpg
لوګو – https://mma.prnewswire.com/media/1518641/logo_Logo.jpg
اړیکه: جیووې ژاؤ، zhaojw16@sany.com.cn